برنامج ولاء للحلاقين
برنامج ولاء لصالون الحلاقة: كل حلاقة ختم.
بطاقة باسم محلك في محفظة جوال الزبون، تتحدث مع كل زيارة، وزبونك ما يحمّل تطبيق. ووقت الزحمة يطلع يقضي مشواره، وأول ما يقرب دوره يوصله «قرب دورك» على شاشة القفل.
- 14 يوم مجانًا
- بدون عقود
- الأسعار شاملة الضريبة
وش تسوي البطاقة لصالون الحلاقة؟
زبون الحلاقة يزورك كل كم أسبوع، ويختار المحل اللي تعوّد عليه. البطاقة في محفظة جواله تذكّره بمحلك: كل حلاقة أو تحديد لحية ختم، والمكافأة تحددها أنت، مثل الزيارة الثامنة بخصم 50٪ أو تحديد لحية على حسابك.
وليلة الخميس وقبل العيد، الكراسي مليانة والانتظار طويل. شغّل تنبيه «قرب دورك»: الكاشير يعطي الزبون رقم مع الختم، ولما يقرب دوره يضغط الرقم على شاشته، ويطلع للزبون التنبيه على شاشة القفل. التنبيه مقفل في البداية حتى تشغّله أنت.
باختصار
- ختم لكل زيارةالكاشير يمسح رمز الزبون أو يبحث برقم جواله.
- «قرب دورك»إشعار على شاشة القفل بدون صوت، ومقفل حتى تشغّله.
- قائمة الخدمات والأسعارفي كَرّة بلس: حلاقة، لحية، حلاقة أطفال، بأسعارها.
- تعرف زبائنكمين جديد، مين معتاد، ومين غاب عنك أكثر من شهر.
خطوة بخطوة
كيف يشتغل في المحل؟
- 1جهّز بطاقتك في الاستوديو: شعار المحل وألوانه، وأختام على شكل ماكينة حلاقة أو موس، وعدد الأختام والمكافأة.
- 2حط رمز الانضمام المطبوع جنب الكاشير أو عند كراسي الانتظار.
- 3الزبون يمسح الرمز وهو ينتظر، يتحقق من رقمه، وبطاقته تصير في محفظته.
- 4مع كل حلاقة، الكاشير يختم من شاشة الكاشير، وإذا شغّلت التنبيه يعطي الزبون رقم مع الختم.
- 5لما يقرب دوره، الكاشير يضغط الرقم ويطلع للزبون «قرب دورك» وين ما كان.
يناسب محلك؟
لصالونات الحلاقة الرجالية
- المحلات اللي تشتغل بدون مواعيد، والزبون ينتظر دوره.
- ليالي الزحمة وقبل الأعياد: الزبون ينتظر في سيارته أو في المقهى اللي جنبك بدل الكراسي.
- رسالة «وحشتنا» للي غاب أكثر من شهر، و«مساعد كرّة» في كَرّة بلس يقول لك أي يوم أهدأ عشان تجهّز عرضه.
- ختم هدية لزبون تبي تكرمه، وعرض لشريحة أعياد ميلاد الشهر.
- طلب تقييم Google بعد الحلاقة لكل الزبائن، بدون مكافأة مقابل التقييم.
أسئلة
أسئلة قبل ما تبدأ
هل يحتاج الزبون يحمّل تطبيق؟
لا. البطاقة تنضاف لمحفظة جواله، Apple Wallet أو Google Wallet، والانضمام كله من المتصفح.
كيف يشتغل تنبيه «قرب دورك»؟
تشغّله من اللوحة. الكاشير يعطي الزبون رقم مع الختم، ولما يقرب دوره يضغط الرقم، ويطلع للزبون «قرب دورك» على شاشة القفل بدون صوت. وصفحة المتابعة ترن إذا ضغط «نبّهني بصوت» وخلّاها مفتوحة.
هل فيه حجز مواعيد؟
لا. كَرّة ما فيها حجز مواعيد، وتناسب المحل اللي يستقبل بالدور. كَرّة للبطاقة والأختام والتنبيه والحملات.
عندي أكثر من حلاق، كيف يختمون؟
كل واحد يدخل شاشة الكاشير من جوال أو آيباد المحل برقم سري من 4 أرقام، ويختم بمسح رمز الزبون أو برقم جواله.
كم السعر؟
الأساسية بـ 79 ريال شهريًا لفرع واحد وفيها البطاقة والتنبيه، وكَرّة بلس بـ 109 ريال وفيها قائمة الخدمات والأسعار و«مساعد كرّة». الأسعار شاملة الضريبة، و14 يوم مجانًا بدون عقود.
أقدر أجرّب قبل ما أشترك؟
إيه. افتح النسخة التجريبية بضغطة بدون تسجيل: مثالها مقهى، والختم والتنبيه يشتغلون في محل الحلاقة بنفس الطريقة.
جرّب كَرّة الحين
جرّب الحين بدون تسجيل.
مقهى تجريبي كامل ببيانات نموذجية. اختر دورك وادخل بضغطة.
- كصاحب مقهىاللوحة، المساعد، الحملات والتقارير.
- ككاشيرالختم، الطلبات، وصرف المكافأة.
- كزبونالبطاقة، المنيو، وحالة الطلب.
البيانات تُعاد كل ليلة، وما يُرسل شيء ولا يُخصم أي مبلغ.